Luka 19:26 - Tedim Bible Revision 2017

²⁶ A topa in, ‘Keʼn kong cih in ah, a nei sate tungah kipia thuah dinga, ahi zongin a nei lote tung panin them khat a neihsun nangawn kilaksak ding hi.

Tedim Bible

²⁶ ‘Ke’n kong cih-inah, a neite khempeuh a kipiak beh ding hi. A nei lote kiang pan a neihsa nangawn a kilakhia ding hi.

Luka 19:26 Referans Kwoze

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Mattiu 13:12

Bang hang hiam cih leh a nei sate tungah kipia thuahin hau semsem dinga, a nei lote tung panin a neihsa sunsun nangawn kilaksak ding hi.

Marka 4:25

A nei sa mipa tungah Pasian in pia thuah dinga, a nei lo mipa tung panin them khat a neihsun nangawn laksak ding hi,” a ci hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.

1 SAMUEL MASA 15:28

Tua ciangin Samuel in ama kiangah, “Topa in Israel-teʼ kumpi gam nangʼ tung panin tu ni-in bal khia-in nang sangin a hoih zaw na veengpa tungah pia khin hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Mangmuhna 3:11

Keimah ka hong pai baih ding hi. Kuamah in, na ngah ding uh gualzawhna lukhu hong tuh khak loh nadingun na neihsate uh hoihtakin na lenkip un.

Luka 16:3

Tua ciangin a nasem pa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.

2 SAMUEL NIHNA 7:15

Ahih hangin nangma ma-a ka hepkhiat Saulʼ tung panin ka lakkhiat bangin ama tung panin ka itna kip ka la khia kei ding hi.

Sawltak 1:20

“Bang hang hiam cih leh Late Laibu sungah, ‘Ama teenna mun gamdai henla, tua munah kuamah teeng kei hen,’ kici a, tua banah, ‘Ama nasep midang khat in sem tahen,’ ci-in kigelh hi.

Late 109:8

Amah khantom henla, midang khat in ama nasep za ngah tahen.

Luka 19:25

Amaute in a topa kiangah, ‘Topa aw, amah in sum tul khat nei khin hi lo ahi hiam?’ a ci uh hi.