Luka 19:22 - Tedim Bible Revision 2017

²² A topa in ama kiangah, ‘Nasem gina lopa aw, nangma kampau mah tawh nang na kiman hi. Sum lam lopi-in sum ka deihlam, lokho lopi-in an la nuamin, mi sit hak ka hih lam nong thei hi.

Tedim Bible

²² A topa in, ‘Nasem gilopa aw, nangma kam sung panin thu kong khen ding hi. Keimah in mi haksa ka hi a, ka koih lohna pan ka lak leh ka vawh lohna-ah ka at hi ci-in na thei hi.

Luka 19:22 Referans Kwoze

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung tahen; bang hang hiam cih leh nangma kampau in nangʼ lang khat ah teci pangin, ‘Topaʼ sathau nilh pa ka that khin hi,’ na ci hi,” a ci hi.

Mattiu 22:12

Ama kiangah, ‘Lawm aw, mopawi siimna puan silh lopi-in hih lai ah hong bangci lut theih na hi hiam?’ a cih ciangin tua mipa in a cih nading a thei kei hi.

Mattiu 12:37

Bang hang hiam cih leh nomau kampauna tawh kizui-in thu hong kikhen dinga, dik hi, cihna ahi a, mawh hi, cihna ahi zongin na ngah nadingun nomau kampau mah hong kibulphuh ding hi,” a ci hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Luka 19:21

Nang pen mi sit hak khat na hih manin kong kihta hi. Sum lam lopi-in sum deih pa na hi a, lokho lopi-in an la nuam pa na hi hi,’ a hong ci hi.

Luka 19:23

Tua bangin hong thei na hih leh bang hangin sumkholna ah ka sumte na koih lo na hi hiam? Na koih hi lecin, kong tunkik ciangin a pi le a meet kigawm ka ngahkik ding hi,’ a ci hi.