Luka 19:14 - Tedim Bible Revision 2017

¹⁴ Ahi zongin ama gam mite in hih ulian pa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Tedim Bible

¹⁴ A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Luka 19:14 Referans Kwoze

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Johan 15:18

“Leitung mite in note hong muhdah leh kei a hong mudah masa ahihna thu na thei un.

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Luka 14:32

A zo zo ding ahih vet kei leh, tua kumpipa a hong tun ma, a gamla ah a om lai-in, ama kiangah kamtaite sawl dinga, kilem nading thu gensak ding hi.

Luka 19:13

A dinkhiat ma-in ama nasem mihing sawmte sam a, amaute tungah sum za khat ciat pia-in, ‘Ka om loh sungin hih sumte tawh na siam bangbangun sum na bawl ciat un,’ ci-in a vaikhak hi.

Luka 19:15

“Ahi zongin hih ulian pa kumpi za ngah sa-in hong tunkik ciangin, sum a ap a nasemte in bangzah ciat a na meetsak uh hiam ci-in a theih nadingin a kiangah a nasemte hong pai nadingun thu a pia hi.

2 SAMUEL NIHNA 23:7

amaute a lawng ding mipa pen sik le teipi bul tawh kithawi a, amaute mei tawh kihal tum siang hi,” a ci hi.