Luka 19:10 - Tedim Bible Revision 2017

¹⁰ Bang hang hiam cih leh a mangthangte a zong ding le a hon khia dingin Mihing Tapa a hong pai ahi hi,” a ci hi.

Tedim Bible

¹⁰ Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Luka 19:10 Referans Kwoze

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

ROM (Romans) 5:6

Eite cimawhin i om laitakin Pasianʼ hoihsak hunin ei migilote adingin Khris hong si hi.

Mattiu 15:24

Jesu in, “Tuu bangin a mangthang Israel mite lak bekah kei hong kisawl hi,” ci-in a dawng hi.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Mattiu 10:6

Tuu bangin a mangthang Israel mite lakah va pai zaw un.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun laitakin a kithehthangna uh mun khempeuh panin ka kaikhawm ding hi.

Mattiu 18:11

Bang hang hiam cih leh Mihing Tapa pen a mangthang mite a hon dingin a hong pai ahi hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Luka 15:8

Tua ciangin Jesu in tua ahih kei leh zong, “Numei khat in sum peek sawm a neih sung panin khat mansuah leh bang cih ding ahi hiam? Meivak vakin, a inn sungteng phiatin, a muh matengin mun khempeuh limtakin zong ding hi.