Luka 18:34 - Tedim Bible Revision 2017

³⁴ Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Tedim Bible

³⁴ Amaute in hih thu khat beek a thei kei uh hi. Hih thu heem gen ahih ciangin a cihnopna a thei kei uh hi.

Luka 18:34 Referans Kwoze

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Johan 10:6

Jesu in hih thu gentehna tawh thu a gen hangin amaute in Jesuʼ gen nop thu a theithei tuan kei uh hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Luka 2:50

Ahi zongin bang a cihnopna ahi hiam, ci-in a nu le a pa in thei lo uh hi.

Luka 18:33

Tua ciangin amah satin that ding uh a, ahi zongin a ni thum ni-in hingkik ding hi,” a ci hi.