Luka 18:19 - Tedim Bible Revision 2017

¹⁹ Jesu in, “Bang hangin kei midik hong ci na hi hiam? Pasian sim loh kuamah a dik tat zo om lo hi.

Tedim Bible

¹⁹ Zeisu in, “Bang hangin kei mipha hong ci na hi hiam? Pasian sim loh mipha khat beek a om kei hi.

Luka 18:19 Referans Kwoze

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

JOB (Job) 25:4

Pasianʼ muhna ah kua dik zo dinga, siangtho zo ding ahi hiam?

JOB (Job) 14:4

Mihing banga a ninte sung panin a siang hong piang lo ding hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Luka 11:13

Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Luka 18:18

Jew mi ulian khat in Jesu kiangah, “A dik siapa aw, nuntak tawntungna ka ngah nadingin bang hih ding ka hi hiam?” ci-in a dong hi.

Luka 18:20

Numei tungah mawh kei in; mi that kei in; miʼ neihsa gu kei in; zuau thu gen kei in; na nu na pa zahtak in, cihna thukhamte thei lo na hi hiam?” a ci hi.