Luka 18:1 - Tedim Bible Revision 2017

¹ Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Tedim Bible

¹ Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Luka 18:1 Referans Kwoze

Kolose 4:2

Lungsim takpi tawh thu ngen tawntung unla, kidawm kawmin lungdamna tawh thu ngen un.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

1 THESALONIKA MASA 5:17

thu ngen niloh unla,

Filippi 4:6

Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, keʼn zong kong dawng ding hi.

Luka 21:36

Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Late 86:3

Nang pen ka Pasian na hi hi. Topa aw, sun tawntung hong kiko ka hih manin kei hong hehpih in.

Late 102:17

Amah in mi cimawhteʼ thungetna kinin, amauʼ thumna simmawh lo ding hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem het kei uh hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Jonah 2:7

Kei ka lung a kiat ciangin Topa kong phawk a, ka thungetna, na biakinn siangtho sung, nangma kiang hong tung hi.

Late 65:2

Thungetna a za pa na hi a, mawhna hangin nangma kiangah mi khempeuh hong pai ding uh hi.

Late 27:13

A hingteʼ gam sungah Topaʼ hoihna a mu dingin kei ka ki-um hi.

Isaiah 40:31

Ahih hangin Topa a muang mite a tha uh dimkik dinga, muvanlai bangin kha tawh leeng to-in, amaute tai napi-un tawl lo ding uh a, amaute lam pai napi-un gim lo ding uh hi.

1 SAMUEL MASA 1:12

Topaʼ mai ah thungenin a om laitakin Eli in tua nuʼ kam na en hi.

Luka 11:10

Bang hang hiam cih leh a ngente khempeuh in ngah dinga, a zongte khempeuh in mu dinga, a kiute khempeuh adingin kong kihon ding hi.