Luka 17:8 - Tedim Bible Revision 2017

⁸ Na ci kei uh hi. Ama kiangah, ‘Ka nitak an ding hong bawl inla, na puan silhin ka annek sungteng hong vil in. Ka man khit ciangin na ne thei ding hi,’ na ci zaw uh hi.

Tedim Bible

⁸ ‘Keima an nek ding hong bawl in; an ka nek tui ka dawn khit matengin kawnggak in la, an hong pia in. Tua nung ciangin nangin an ne-in tui na dawn ding hi,’ ci-in nasempa kiangah gen ding hilo ahi hiam?

Luka 17:8 Referans Kwoze

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Piancilna 43:16

Josef in amaute tawh Benjamin a muh ciangin, amah in a inn sung nasem paʼ kiangah, “Mite inn sungah paipih inla, gan khat go-in bawl in. Bang hang hiam cih leh hih mite in sun ciangin kei tawh an ne ding uh hi,” a ci hi.

2 SAMUEL NIHNA 12:20

Tua ciangin David leilak panin tho-in kisil a, sathau nilhin a puante khek a, Topaʼ inn ah pai-in Pasian a bia hi. Tua ciangin ama inn ah ciah hi. An a nget ciangin amaute in a mai ah lui uh a, amah in a ne hi.

Luka 17:7

“Note khatpeuh in na lo uh hong khawhsak ahi a, na tuu uh a hong cinsak ahi zongin nasem khat nei le-uhcin, inn ah a hong tun ciangin, ‘Hong pai inla na an ne pah in,’ na ci uh hiam?

Luka 17:9

Tua bangin a sawl teng a sepna hangin a nasem pa tungah, ‘Ka nuam mahmah hi,’ ci tuan lo hi.

Johan 13:4

Tua ahih manin a annekna sabuai panin Jesu ding khia-in a puan tungsilh suah khia a, a kawng ah a mainulpi a teeng hi.