Luka 17:7 - Tedim Bible Revision 2017

⁷ “Note khatpeuh in na lo uh hong khawhsak ahi a, na tuu uh a hong cinsak ahi zongin nasem khat nei le-uhcin, inn ah a hong tun ciangin, ‘Hong pai inla na an ne pah in,’ na ci uh hiam?

Tedim Bible

⁷ “Note in nasem khat nei-in, lo kuanin ahi zongin, tuu cingin ahi zongin hong ciah ciangin ama kiangah, ‘Thakhatin hong pai in la, an nekna sabuai ah hong tu in,’ a ci ding no lakah kua ahi hiam?

Luka 17:7 Referans Kwoze

Mattiu 12:11

Jesu in amaute kiangah, “Note khatpeuh in tuu khat nei unla, Sabbath ni-in dum sungah tua tuu kia leh, tua tuu va lenin kai khiato ding hi lo na hi uh hiam?

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 14:5

Tua ciangin Jesu in amaute kiangah, “Note khatpeuhʼ tapa ahi a, na bawngtal uh ahi zongin tuikhuk thukpi sungah Sabbath ni-in kia leh, Sabbath ni hi napi-in kai khia veve ding hi lo na hi uh hiam?” a ci hi.

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piang zo ding hi.

Luka 17:8

Na ci kei uh hi. Ama kiangah, ‘Ka nitak an ding hong bawl inla, na puan silhin ka annek sungteng hong vil in. Ka man khit ciangin na ne thei ding hi,’ na ci zaw uh hi.

Luka 17:26

Noah hunin up lohpi-in tuiciin a tun bangin Mihing Tapa zong up loh hun khatin hong tung ding hi.