Luka 17:5 - Tedim Bible Revision 2017

⁵ Ni khat, sawltakte in Topa kiangah, “Ka upna uh hong liansak in,” a ci uh hi.

Tedim Bible

⁵ Sawltakte in, “Komau’ upna khangsak ta in,” ci-in Topa kiangah a gen uh hi.

Luka 17:5 Referans Kwoze

Marka 9:24

Thakhatin naupangʼ pa kiko a, “Ka um hi; ka upna a kicin nadingin hong huh in,” a ci hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Marka 6:30

Tua khit ciangin Jesu kiangah sawltakte hong ciahkik uh a, a sepna khempeuh uh le a thuhilhna khempeuh uh a zasak uh hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.