Luka 17:25 - Tedim Bible Revision 2017

²⁵ Ahi zongin amah in gimna tampi tak thuak masa dinga, ama huna mite in amah nial ding uh hi.

Tedim Bible

²⁵ Ahih hangin a masa-in amah in gimna tampi thuakin, hih khang mite in hong nial ding uh hi.

Luka 17:25 Referans Kwoze

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Luka 9:22

Tua ciangin Jesu in a nungzuite kiangah, “Mihing Tapa in tampi tak thuak dinga, upate, siampi liante le Thukham hilh siate in amah nial ding uh hi. Amah kithat dinga, a ni thum ni-in kihingkiksak ding hi,” a ci hi.

Marka 8:31

Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Luka 18:33

Tua ciangin amah satin that ding uh a, ahi zongin a ni thum ni-in hingkik ding hi,” a ci hi.

Marka 12:10

‘Innlamte in a nilkhiat suang pen innkiu suang bulpi suak khinta hi.

Mattiu 21:42

Jesu in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topaʼ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Johan 12:38

Kamsang Isaiah in, “Topa aw, kua in ka thugente um a, Topaʼ vangliatna kua tungah kilak ahi hiam?” ci-in a genna thu a tun nading ahi hi.

Luka 24:46

amaute kiangah, “Khris in sihna thuakin, a ni thum ni-in sihna panin hingkik dinga,

Luka 18:31

Tua ciangin Jesu in nungzui sawm le nihte a tuamin paikhiat pihin amaute kiangah, “Tu-in Jerusalem khua ah a pai ding ihi a, kamsangte in Mihing Tapaʼ thu a gelh khempeuh, tua lai munah a hong tung ding hi.

Marka 10:33

“Na ngai un. Tu-in Jerusalem khua ah a pai to ding ihi hi; tua lai mun panin siampi liante le Thukham hilh siateʼ khut sungah Mihing Tapa kipia ding hi. Amaute in a sih nadingin thu a khen khit uh ciangin Gentail miteʼ khut sungah a ap ding uh hi.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingteʼ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong hon khia na Pasian uh tu ni-in na nial uh a, note in, ‘Koteʼ tungah kumpi khat koih in,’ na ci uh hi. Tua ahih ciangin tu-in na minam nam uh le a tultulin Topaʼ mai ah kilak un,” a ci hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.