Luka 17:21 - Tedim Bible Revision 2017

²¹ Hih lai ah om hi, hua lai ah om hi, cih bangin kuama gen theih hi lo hi. Bang hang hiam cih leh note lakah Pasianʼ Ukna hong om khinzo hi,” ci-in a dawng hi.

Tedim Bible

²¹ ‘En in, hih san takah om hi; hua san takah om hi,’ a kici thei kei hi. Bang hang hiam na cih uh leh, Pasian’ Gam in note sungah a om hi,” a ci hi.

Luka 17:21 Referans Kwoze

Mattiu 12:28

Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

Marka 13:21

“Tua laitakin mi khatpeuh in, ‘Hih lai ah Khris om hi; hua lai ah Khris om hi,’ ci-in hong gen leh, um kei un.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Luka 21:8

Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Luka 17:23

Mite in, ‘Hih lai ah om hi,’ hong ci ding uh hi. Ahi zongin amauʼ cihna mun a en dingin paikhia kei un.

Johan 1:26

Johan in, “Keimah in tui sungah mite a phum lel ka hi hi. Ahi zongin tu mahmah in noteʼ muh ngei loh mipa, noteʼ lak mahah hong om hi.

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.