Luka 17:2 - Tedim Bible Revision 2017

² Hih naupang no khat a khialh nading a piansak sangin a ngawng ah an gawina suang lianpi khat khihin tuipi sungah kikhia leh ama adingin hoih zaw thampek ding hi.

Tedim Bible

² Hih naupangte khatpeuh a puksakpa in a ngawngah an-gawina suang khihin tuipi thuk sungah tumcip leh, ama ading a hoih zaw ding hi.

Luka 17:2 Referans Kwoze

Marka 9:42

Jesu in, “Mi khatpeuh in kei hong um hih naupang no khat a khialsak ding ahihleh a ngawng ah an gawina suang lianpi khat kikhihin tuipi sungah kikhia leh ama adingin hoih zaw thampek hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

1 KORIN MASA 9:22

Upna neu mite lakah na ka sep ciangin amaute ka ngah zawh nadingin amaute mah bangin ka gamta hi. Tua ahih manin ahih theihna lam peuhpeuh ah mite ka ngah zawh nadingin mi khempeuhʼ ngeina ka zui hi.

Mattiu 26:24

Mihing Tapa ahihleh Lai Siangtho sungah a kigelh sa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama adingin hoih zaw ding hi,” a ci hi.

1 KORIN MASA 9:15

Ahi zongin hih ngah theih ding hamphatnate khempeuh ka la kei a, tu-in zong ka ngah theih nadingin hih lai a hong gelh ka hi kei hi. Hih ka kisialhna teng a mawkna a suah ding sangin ka si nuam zaw hi.

Johan 21:15

An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Mattiu 17:27

Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.