Luka 17:14 - Tedim Bible Revision 2017

¹⁴ Jesu in amaute a muh ciangin, “Pai unla siampite va kivelsak un,” a ci hi. Amaute a va pai uh ciangin lamkal ah a dam uh hi.

Tedim Bible

¹⁴ Zeisu in tuate a muh ciangin, “Pai un la, Pasian’ siampi kiangah va kilak un,” ci-in thu a pia hi. Amaute a pai lai takun damna a ngah uh hi.

Luka 17:14 Referans Kwoze

Luka 5:14

Tua ciangin Jesu in ama kiangah, “Hih thu kuamah dang kiangah gen kei in. Siampipa kiangah paisuak pah inla, kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

2 KUMPI NIHNATE 5:14

Tua ahih ciangin Pasian mipaʼ gen bangin amah pai sukin Jordan gun sungah sagih vei kidiah hi. Tua ciangin a cilesa naupang no cilesa bangin a ngei bangkikin amah a siang hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Johan 11:10

Ahi zongin zan khuamial sungah lampai leh khuavak nei lo ahih manin puk thei hi,” a cih khit ciangin

Johan 9:7

“Siloam Bual ah na mai va phiat in,” ci-in a sawl hi. (Siloam a cih ciangin, Sawl, a cihna ahi hi.) Tua ahih manin mittaw pa zong va pai-in a mai va phiat a, khua mu thei sa-in hong paikik hi.

Johan 2:5

Ahi zongin Jesuʼ nu in nasemte kiangah, “Ama hong gen bangbangin gamta un,” a ci hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.