Luka 16:5 - Tedim Bible Revision 2017

⁵ Tua ahih manin a topaʼ sum a bate khatkhatin sam a, a masa pen pa kiangah, ‘Ka topa tungah bangzah ba na hi hiam?’ a ci hi.

Tedim Bible

⁵ Tua khit ciangin a topa’ sum bate a vekpi-un sam a, ‘Ka topa kiangah leiba bangzah loh ding a om hiam?’ ci-in a masa penpa a dong hi.

Luka 16:5 Referans Kwoze

Mattiu 18:24

Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Luka 16:4

Tuʼn ka gamtat nading ka thei ta hi. Tua ka ngaihsut bangin gamta leng, ka nasepna panin ka tawp ciangin lawm nei-in, amaute in a inn ah kei hong tungsak ding uh hi,’ ci hi.

Luka 16:6

Amah in, ‘Sathau tambong za nih dim ba ing,’ ci hi. Tua ciangin amah in, ‘Na leibatna lai va la in,’ ci hi; tua ciangin, ‘Na leiba om lai sathau tambong za khat hi. Tu mahmah in tu suk inla, tambong za khatin ciamteh in,’ ci hi.