Luka 16:23 - Tedim Bible Revision 2017

²³ Ahi zongin hell khuk sungah gimna thuakin a om hi. A khuadak leh, gamlapi mun khat ah Abraham le Lazaras a om khawm a gal muh hi.

Tedim Bible

²³ Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Luka 16:23 Referans Kwoze

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

Luka 16:28

Inn ah nau pasal nga ka nei lai a, keʼn gim ka thuakna hih lai munah hong tun khak loh teitei nadingun keiʼ gamtat bangin a gamtat loh nadingun hong hilhsak hen,’ a ci hi.

Mattiu 23:33

Gul a bang miteʼ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 18:9

Na mit in hong khialhsak leh khel khia inla paikhia in. Mit kim nei-in hell khuk sungah hong kikhul sangin mit lang khat bek tawh nuntakna sungah lut lecin nang adingin hoih zaw ding hi.

Late 9:17

Pasian a mangngilh minam khempeuh sung panin migilote, Leinuai ah pai ding uh hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphual pi sungah kilawn a, a sun a zanin tua lai munah amaute in gimna a thuak tawntung ding uh ahi hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Mattiu 5:29

Tua ahih manin na mit taklam in na mawh nading hong piansak leh khel khia inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Isaiah 14:15

Ahih hangin nang pen Leinuai thuk penna Leihawm sungah hong kikoih suk ding hi.

Isaiah 14:9

“Nang na pai suk ciangin a hong dawntuah dingin Leinuai-a misite kihanthawn a, nangmah a hong hopih dingin leitungah a lian ngei misi uliante kipusuaksak hi. A minamteʼ kumpite khempeuh amauʼ kumpi tokhom panin hong ding uh hi.

1 KORIN MASA 15:55

Sihna aw, na gualzawhna koi ah om a, midangte na suksiat zawh nading na thahatna koi ah om ta ahi hiam?” na ci hi.

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh noteʼ khua sunga hong kibawl nalamdangte, Sodom khua sungah kibawl hileh tu ni dongin tua khua kip lai ding hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Paunak 15:24

Mipilte in nuntakna lampi zui to uh a, sihna lampi zui suk lo uh hi.

Paunak 9:18

Tua lai ah a paite a sihna thu tua lai ah a lut sate sihna gam thuk sungah a om khitna thu, a khem zawh mite in phawk kha lo uh hi.

Paunak 7:27

Tua bang numei zuihna pen sihna gam zuatna hi a, sih baih nading lampi zuatna ahi hi.

Paunak 5:5

Amah in sihna gamah nang hong paipih dinga, ama tot lampi pen sihna mun tunna lampi ahi hi.

Late 86:13

Bang hang hiam cih leh keimah na hong itna kip lian mahmah a, Leinuai thuk sung panin kei nong hon khia khin hi.

Late 49:15

Ahih hangin Pasian in Leinuaiʼ vangliatna panin kei hong hon khia ding hi; bang hang hiam cih leh amah in kei hong sang ding hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.