Luka 16:22 - Tedim Bible Revision 2017

²² Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Tedim Bible

²² Tua nung ciangin mizawngpa si a, vantungmite in Abraham’ ang ah a pua uh hi.

Luka 16:22 Referans Kwoze

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Jeim 1:11

Ni hong suakin a sat ciangin lopate vul a, a paakte pulhin a hoihna teng a bei mah bangin a haute zong manlahin a om laitakun siatna a thuak ding uh ahi hi.

Paunak 14:32

Migilo pa ama tatsiatna in puksak a, mihoih pa ama hoih tatna in hu hi.

Johan 13:23

Jesu in a it diak a nungzuite khat ama kiangah tu ahih manin,

Marka 8:36

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Thuhilh-sia 8:10

Migilote si-in kivui a, a siat gamtatna khua sunga om mite mah in han panin a ciah ciangun amah a phat veve-na uh ka mu hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

JOB (Job) 21:13

Amaute a nuntak sungin cithei mahmah uh a, gentheihna tuak se loin nuam takin a si hiat uh hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Johan 21:20

Peter a kihei ciangin, nitak an a nek lai-un Jesuʼ gei ah tu-in, “Topa aw, nang kua in hong lehhek ding ahi hiam?” ci-in a dong, Jesuʼ it a nungzui pa ama nungah a om a mu hi.

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Mattiu 8:11

Nisuahna le nitumna panin mi tampi tak hong pai-in vantung ki-ukna sungah Abraham, Isaac le Jakob-te tawh an ne-in sabuai ah tukhawm ding uh hi.

Isaiah 22:16

Hih lai ah nangma ading hankhuk a to, a sangna munah hankhuk a bawl, na omna ding suang a khuak mipa aw, nang in hih lai ah bang hih a, vui ding kua nei na hi hiam?

Isaiah 14:18

“Minam dangteʼ kumpite khempeuh amau hankhuk sung ciat uh ah a minthangin lum uh hi.

Luka 16:21

mihau paʼ sabuai tung panin a kia annengte ne nuamin a ngak hi. Tua bangin a om laitakin uite hong pai-in a meima hong liahliahsak uh hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.