Luka 16:17 - Tedim Bible Revision 2017

¹⁷ Ahi zongin Thukham a neu pen themno khat nangawn a maiman ding sangin vanlelei a manthan ding ol zaw lai hi.

Tedim Bible

¹⁷ Ahih hangin Pasian’ Thukham neupen a kipaihkhiat ding sangin, van leh lei a man’than nading a baihzaw ding hi.”

Luka 16:17 Referans Kwoze

Mattiu 5:18

Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Luka 21:33

Vanlelei a mangthang zongin ka thugente maimang ngei lo ding hi.

1 PETER MASA 1:25

ahi zongin Topaʼ thu kip tawntung hi,” ci-in na kigelh hi. Note kiangah a hong kihilh Lungdamna Thu pen tua Topaʼ thu ahi hi.

Isaiah 40:8

Lopa vul a, pak a pulh hi. Ahih hangin Pasianʼ thu kho tawntung ding hi,” hong ci hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

Isaiah 51:6

Dak to-in vantungte en unla, leitung zong en suk un. Bang hang hiam cih leh meikhu bangin vantungte mangthang hi. Puan bangin leitung paat khia dinga, ama tunga teengte pen thokang bangin si ding uh hi. Ahih hangin keima hotkhiatna kip tawntung dinga, keima khah khiatna bei ngei lo ding hi.

Mangmuhna 21:4

Amauteʼ mit panin khitui khempeuh nulsak ding hi. Thu lui sate maimang khinta ahih manin sihna, dahna le na sa a kahna cihte om nawn lo ding hi,” a ci hi.

Mangmuhna 21:1

Tua ciangin van thak khat le lei thak khat ka mu hi. Van masa le lei masa maimang khin a, tuipi zong om nawn lo hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.