Luka 16:16 - Tedim Bible Revision 2017

¹⁶ “Tuiphumpa Johanʼ hun ciang dong Moses Thukham le kamsangteʼ thugente pen zuih belin kinei a, ahi zongin Pasianʼ Ukna hangin Lungdamna Thu a kihilh hun a kipanin hih thu ah mi khempeuh hong kituhteh uh hi.

Tedim Bible

¹⁶ ‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Luka 16:16 Referans Kwoze

Mattiu 21:32

Bang hang hiam cih leh note kiangah Tuiphumpa Johan hong pai-in thuman lampi hong lak napi-in na um kei uh a, ahi zongin siahdongte le numei paktatte in a um uh hi. Hih thu na theih khit uh ciang nangawnin na lungsim uh na kheel nuam tuan kei uh a, na um kei veve uh hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Luka 16:31

Ahi zongin Abraham in, ‘Amaute in Moses le kamsangteʼ thu a man nop kei uh leh, mi khat hong hingkikin amaute kiangah a va gen hangin umsak zo tuan lo ding hi,’ ci-in a dawng hi,” a ci hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Sawltak 3:18

Ama Khris in a thuak nading thu, Pasian in tanglai pekin kamsangte khempeuh tungtawnin gen khol a, tu-in hih bangin a thugen kholhna a hong tungsak ahi hi.

Luka 16:29

Ahi zongin Abraham in, ‘Na sanggamte a hilh dingin Moses le kamsangte om uh ahih manin tuateʼ thugen na ngai ta uh hen,’ a ci hi.

Luka 10:11

‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.

Luka 10:9

tua khua sunga cinate damsak un. A khua mite kiangah, ‘Pasianʼ Uk nading hun note adingin hong nai ta hi,’ ci-in gen un.

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Luka 9:2

Tua ciangin Pasianʼ Ukna thu a hilh ding le cinatnate a damsak dingin kuan khiasakin

Marka 1:14

Thong sungah Johan a kikhiat khit ciangin Galilee gam sungah Jesu hong pai a, Pasian kiang panin hong pai Lungdamna Thuthak gen a,

Mattiu 10:7

Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Johan 12:19

Tua ciangin Farisi mite khatlekhat kiho uh a, “Bangmah i cih zo het kei hi. En un, mi khempeuh in amah a zui khinta uh ahi hi,” a kici uh hi.

Johan 11:48

Hih bangin omom sak lehang mi khempeuh in amah um ding uh a, Rom kumpite in i Biakinnpi hong suksiatsakin i minam bup zong hong su gawp ding uh hi,” a kici uh hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 15:11

Kam sungah a tum suk nate in mi ninsak lo a, kam sung panin a pusuak nate in mi a ninsak hizaw hi,” a ci hi.

Johan 5:4

Bang hang hiam cih leh Topaʼ vantungmi khat in tua bualtui lok thei zel a, tui a kilawh khit ciangin tua lai a tung masa penpen ama natna panin a dam hi.)