Luka 16:1 - Tedim Bible Revision 2017

¹ Tua ciangin Jesu in a nungzuite kiangah, “Sum hau pa khat om a, a neihsa teng a uk dingin ama khutnuai ah mi khat a koih hi. Tua a neihsa teng a uk dingin a koih mipa in a topaʼ sum teng phengzat gawp hi, ci-in kikhia hi.

Tedim Bible

¹ Khatvei Zeisu in a nungzuite kiangah, “Sumhaupa khat in sumkempa khat a nei hi. Tua sumkempa in a topa sum a thangbawl thu midangte in topa kiangah a ko uh hi.

Luka 16:1 Referans Kwoze

1 PETER MASA 4:10

Pasianʼ piak na a zatsiamte bangin Pasianʼ kiang panin na ngah uh nate, midangteʼ phattuam nadingin na zang un.

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Jeim 4:3

Pasian kiangah na nget sun uh ciangin zong noteʼ nopsak nading bek ngenin, na ngaihsutna uh man lo ahih manin a ngah lo na hi uh hi.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Luka 15:30

Ahi zongin hih na tapa in na neihsa khempeuh numei paktatte tungah zang mang khin a, hong ciahkik ciangin bawngtalno limci pen na gawh lai hi,’ a ci hi.

Luka 15:13

Ni tawm khat khit ciangin a nau zaw pa in ama neihsa teng zuakin a sum tawh inn panin a gamlapi ah paikhia a, a sumte a phengzat gawp hi.

Luka 19:20

Tua ciangin a nasem dang khat hong pai a, ‘Topa aw, hih lai ah na sum za khat om hi. Mainul khat tawh tunin ka seelcip hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Luka 8:3

Herodʼ khutnuai-a ulian Khuzaʼ zi Joanna, Susanna le numei dang tampite hi uh a, amauʼ neihsa tawh Jesu le a nungzuite a huh uh hi.

Hosea 2:8

Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

1 KHANG TANGTHU MASATE 28:1

David in Jerusalem-a Israel-te lakah zaneite, minamte sungah zaneite, kumpipaʼ na a sem a khente sungah uliante, a tultul a a ukte, a zaza-a a ukte, neihsa khempeuh le kumpipaʼ ganhingte le a tapate a kemte pen, kumpi inn-a zaneite, a thahat mite le gal a hang tawntungte khempeuh tawh a khawm hi.

Piancilna 43:19

Tua ahih ciangin Josefʼ inn sung nasem paʼ kiangah amaute pai to uh a, inn kongkhak ah amah tawh kiho-in,

Piancilna 15:2

Ahih hangin Abram in, “Topa Pasian aw, bang hong pia ding na hi hiam? Ta nei loin ka om lai hi. Ka inn a luah ding pa pen Damaskas mi Eliezer ahi hi.

Mattiu 20:8

“Nitak ciangin lo nei pa in a nuai-a nasem ukpa kiangah, ‘Lokhote sam inla, a kicial nunung pen a kipanin a kicial masa pente dongin a ni tha uh pia in,’ a ci hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.