Luka 15:6 - Tedim Bible Revision 2017

⁶ Inn a tun ciangin a lawmte le a veengte samin, ‘A mang sa ka tuu mukik ka hih manin ka nuam mahmah hi. Lungdamna pawi bawl ni,’ a ci ding hi.

Tedim Bible

⁶ a lawmte leh a inn veengte sam a, ‘Hong lungdampih ta un. Bang hang hiam na cih uh leh, ka man’suahsa tuu ka mukik zo hi,’ a ci hi.

Luka 15:6 Referans Kwoze

Luka 15:10

Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Luka 15:24

Bang hang hiam cih leh ka tapa a si sa hong nungta a, ka tapa a mang sa hong tungkik hi,’ a ci hi. Tua ahih manin lungdamna pawi bawl a kipan uh hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Late 119:176

A gammang tuu bangin lam ka pial khin hi. Tua ahih manin na nasem pa hong zong in. Bang hang hiam cih leh nangma thupiaknate ka pelh kei hi.

Filippi 2:17

Noteʼ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

Sawltak 15:3

Amaute a pai uh ciangin pawlpi mite in khua nawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Johan 15:14

Ka hong thupiak bangin na gamtat uh leh ka lawmte na hi uh hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Luka 15:7

Tua mah bangin kisikkik ding a kisam lo mihoih sawm kua le kuate tungah lungdamna sangin mawhnei mi khat a kisikna hangin vantungah lungdamna lian zaw ding hi,” a ci hi.

1 PETER MASA 2:10

Nidangin Pasianʼ mi na hih loh uh hangin tu-in ama mi na hi uh a, nidangin Pasianʼ hehpihna na theih loh uh hangin tu-in ama hehpihna na ngah uh hi.

1 THESALONIKA MASA 2:19

Tua banga kong pai nopna uh pen, note bek mah koteʼ lamet, ka lungdamna uh le koteʼ gualzawhna lukhu na hi uh a, Topa Jesu hong pai ciangin ama mai ah kong kisialh pih ding uh na hi uh hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 1:4

Note in lungdamna thu na zak ni uh a kipanin tu ni ciang dong, lungdamna thuhilh nasepna ah kei na hong huhna uh hangin ka nuam mahmah a, note adingin thu ka nget simin lungdam mahmahna tawh ka ngen tawntung hi.

Luka 1:58

Topa in amah a hehpih mahmahna thu a zak uh ciangin a veengte le a behte khempeuh in a lungdam pih uh hi.

Luka 15:5

A muh ciangin lungdam mahmah in a liangko ah pua-in ciahpih ding hi.