Luka 15:25 - Tedim Bible Revision 2017

²⁵ “Tua laitakin a tapa u zaw pen lo kuan hi a, vai ciah inn hong tun kuan ciangin lamna le lasakna gingte a za hi.

Tedim Bible

²⁵ “A tapa lianzaw in lo kuanin a om hi. Amah hong ciah a, inn a naih ciangin lasakna leh laamna hu ging a za hi.

Luka 15:25 Referans Kwoze

Late 150:4

Khuang le lamna tawh amah phat unla, khausai lasaknate le tamngai tawh amah phat un.

Luka 7:32

Mihon omna lamkabom ah a tu naupang a kimawlte tawh kibang uh hi. Naupang hon khat in a lawmte kiangah, ‘Lam nading khuang kong tumsak hangun na lam nuam kei uh a, kahna la ka sak hangun lah na kap nuam tuan kei uh hi,’ a cihte tawh a kibang uh hi.

Jeremiah 31:4

Aw, nungak siangtho Israel aw, nang kong bawl phakik ding hi. Na khuangte na mankik dinga, a gualnuamteʼ lamna ah na va kihel ding hi.

Thuhilh-sia 3:4

Kah hun om a, nuih hun om hi. Dah hun om a, laam hun om hi.

Late 149:3

Lamna tawh amah phat unla, khuang le laiza lasakna tawh ama tungah la ngaih sa un.

Late 126:1

Topa in Zion ah eite hong ciah pihkik ciangin i mang tawh kibang liang hi.

2 SAMUEL NIHNA 6:14

Tua ciangin a tha neih khempeuh tawh Topaʼ mai ah David lam hi. David in saihadial siampi puan khat silh hi.

Paikhiatna 15:20

Tua ahih manin Aaronʼ sanggamnu Miriam in a khut ah khuang khat tawi hi. Ama nungah numeite khempeuh laamin khuang tawh a zui uh hi.

Late 30:11

Topa ka Pasian aw, nangma tungah lungdamna ka hong koh tawntung theih nading, ka lungsim in nang hong phat theih nading, a dai om mawk loh nadingin ka thumna le ka taunate lamna tawh nong heisak a, dahna lim ahi ka puanhampi hong suah khiatsakin nuamna na hong guan hi.

Luka 15:24

Bang hang hiam cih leh ka tapa a si sa hong nungta a, ka tapa a mang sa hong tungkik hi,’ a ci hi. Tua ahih manin lungdamna pawi bawl a kipan uh hi.

Luka 15:26

Amah in zong nasemte khat sam a, ‘Bang thu om ahi hiam?’ ci-in a dong hi.