Luka 15:19 - Tedim Bible Revision 2017

¹⁹ Na tapa cih dingin zong kilawm nawn lo ka hih manin na nasemte khat bangin hong bawl lel in,” ka ci ding hi,’ a ci hi.

Tedim Bible

¹⁹ Tu-a kipanin na ta kicih nadingin ka kilawm kei hi. Nangma nasemte khat mah bangin hong koih in, ka ci ding hi,’ a ci hi.

Luka 15:19 Referans Kwoze

JOB (Job) 42:6

Tua ahih ciangin tu-in ka pauna sate khempeuh hangin ka maizum mahmah a, tu-in vutlevai khu-in nakpi takin ka kisik hi,” a ci hi.

Luka 5:8

Simon Peter in hih thu a muh ciangin Jesuʼ mai ah khukdin a, “Topa aw, mawhnei mi ka hih manin ka kiang panin paikhia in,” a ci hi.

Late 84:10

Bang hang hiam cih leh mun dangah ni tul khat om sangin nangma huang sungah ni khat om hoih zaw hi. Gitlohna inn sungah ka ten sangin ka Pasianʼ inn kongcing pa ka hi nuam zaw hi.

1 PETER MASA 5:6

Pasian in ama hoihsak hun ciangin note hong lap toh theih nadingin a thahat Pasianʼ khutnuai ah kiniamkhiatin na om un.

Piancilna 32:10

kei pen na itna kip khempeuh lak pan a neu pen le na nasem pa tunga nong lah sa na thumannate khempeuh tawh ka kilawm kei hi. Bang hang hiam cih leh ka ciangkhut guak tawh hih Jordan ka kantan a, ahi zongin tu-in pawl nih ka cing khinta hi.

1 KORIN MASA 15:9

Bang hang hiam cih leh kei pen Pasianʼ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neu pen ka hi hi.

Luka 15:18

Kei kithawi-in ka pa kiangah ka ciah dinga, “Pa aw, Pasian tung le nangma tungah ka khial khin hi.

Luka 15:20

Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.