Luka 15:16 - Tedim Bible Revision 2017

¹⁶ Vokteʼ be gap nekte nangawn a duhgawh ciang dongin om a, ahi zongin kuamah in an pia lo hi.

Tedim Bible

¹⁶ Amah in vok an nek begapte nangawn duhgawhin a nekpih nuam hi. Ahih hangin kuamah in an a pia kei hi.

Luka 15:16 Referans Kwoze

Hosea 12:1

Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.

Kah la 4:5

An lim pen a ne ngeite kongzing lakah puksi uh a, nuamsa-in a khang khia mite in nin buakna lak thai-in an a zong uh hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Late 142:4

Ka kiim ka pam khuadakin ka en kawikawi a, ahih hangin kei hong huh ding kuamah om lo hi. Ka belh ding kuamah om lo a, kuamah in kei hong don lo hi.

Isaiah 57:3

No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Late 73:22

keimah hai-in bangmah ka thei kei a, nangma mai ah ganhing tawh ka kibang hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Luka 15:15

Tua ahih manin tua gam mite khat kiangah nasem dingin va pai a, a innteek pa in vok cing dingin ama lo ah a sawl hi.

Luka 15:17

A tawpna ah thu ngaihsun thei a, ‘Ka paʼ nasemte khempeuh in gaih zawh lohin an khamval nei uh a, tu-in hih lai ah gil kialin a puksi ding ka hi ta hi.

JOB (Job) 30:4

Amaute in singkungnote botin ne uh a, limna alna a nei lo poding zung nangawn a ne uh hi.