Luka 15:15 - Tedim Bible Revision 2017

¹⁵ Tua ahih manin tua gam mite khat kiangah nasem dingin va pai a, a innteek pa in vok cing dingin ama lo ah a sawl hi.

Tedim Bible

¹⁵ Tua lai takin amah pai-in tua gam mi khat beel a, vok cing dingin a topa in lo lamah a sawl hi.

Luka 15:15 Referans Kwoze

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai ah simmawhna le niamkhiatna kong ngahsak ding hi,” a ci hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

ROM (Romans) 6:22

Ahi zongin tu-in mawhna bawlnopna panin suakta-in Pasianʼ khut sung mi na hi ta uh hi. Tua thu hangin na ngah uh na pen Pasian adingin a kipia khin nuntakna hi a, a tawntung nuntakna tawh a kizom ahi hi.

Luka 15:13

Ni tawm khat khit ciangin a nau zaw pa in ama neihsa teng zuakin a sum tawh inn panin a gamlapi ah paikhia a, a sumte a phengzat gawp hi.

Nahum 3:6

Nang hong huat bawlin ninbulom tawh kong kidimsak dinga, mite in lamdangsakna tawh nang hong en ding uh hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

Ezekiel 16:52

Tu-in na mindaina teng na thuak kul hi. Na sanggam numeiteʼ mawhna sangin nangma mawhnate naksiat zaw lua ahih manin nang kiang panin amaute a mawh lo tawh kibang phial hi. Na sanggam numeite a siangtho bangsak phial na hih manin zahla inla maizum in.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topaʼ tungah citak lo zaw lai hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Luka 15:14

A sum neih khempeuh a zat mang khit ciangin tua ama omna gamah kialpi tung a, ahi zongin amah in bangmah nei nawn lo hi.

Luka 15:16

Vokteʼ be gap nekte nangawn a duhgawh ciang dongin om a, ahi zongin kuamah in an pia lo hi.