Luka 15:13 - Tedim Bible Revision 2017

¹³ Ni tawm khat khit ciangin a nau zaw pa in ama neihsa teng zuakin a sum tawh inn panin a gamlapi ah paikhia a, a sumte a phengzat gawp hi.

Tedim Bible

¹³ Tua nung ciangin sawtvei kihal loin a taneu in ama sum khempeuh khawm a, gamlapi gamah pai-in tua santak ah noptatna lamsang uang lua ahih ciangin, a sum teng a zang khin hi.

Luka 15:13 Referans Kwoze

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Paunak 29:3

Pilna a deih mi in a pa lungdamsak a, numei paktat tawh a kikhawl mi in a neihsa teng lawn mang hi.

Paunak 21:17

A nop tat nuamte zawng uh a, zu ne-in sathau namtui a nilhte hau lo uh hi.

Paunak 28:7

Thuhilhna a mang mite ta pil hi a, lawm gilo tawh a kikhawl mi in a pa mindaisak hi.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Luka 16:1

Tua ciangin Jesu in a nungzuite kiangah, “Sum hau pa khat om a, a neihsa teng a uk dingin ama khutnuai ah mi khat a koih hi. Tua a neihsa teng a uk dingin a koih mipa in a topaʼ sum teng phengzat gawp hi, ci-in kikhia hi.

Luka 15:30

Ahi zongin hih na tapa in na neihsa khempeuh numei paktatte tungah zang mang khin a, hong ciahkik ciangin bawngtalno limci pen na gawh lai hi,’ a ci hi.

Micah 6:3

Topa in hih bangin thu sung a, “Ka mite aw, note bang hong cih kha ka hi hiam? Tu-in hong dawng dih un!

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Isaiah 30:11

Lampi nusia-in, lamzin panin pial unla, Israel-teʼ Siangtho Paʼ thu hong zasak kei un,” a ci uh hi.

Isaiah 22:13

Ahih hangin note in lungdamna le kipahna, bawngtalte le tuute gawhna, sa nekna le leenggahzu nekna na nei zawsop uh a, “Zing ciangin si ding ihih ciangin nene-in dawndawn ni,” na ci zawsop uh hi.

Isaiah 1:4

Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Paunak 27:8

Inn panin gamlapi ah a zin khia mipa a bu panin a leeng khia vasa tawh kibang hi.

Paunak 21:20

Mipil paʼ inn sungah neihlelam a dimin om a, ahi zongin mihai pa in a ngah zahzah zang khia pah hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Paunak 6:26

Bang hang hiam cih leh anlum khat tawh numei paktat khat kingah zo a, ahi zongin numei tawh mawhna in nuntakna bup siasak hi.

Late 73:27

Bang hang hiam cih leh nang tawh a kigamlate kisia ding uh a, nangma tungah a hong khialte na beisak ding hi.

2 PETER NIHNA 2:13

mite a gimsak mah bangun amaute tungah gimna kipia ding hi. A ut bangbangun suntangpi-in gamtat ding nuam a sa uh hi. Tua bang mite in note tawh ankuang hong um khawmin, a zuau gamtatnate uh ah nuamsa-in a om uh pen amaute adingin a zumhuai mahmah ahi hi.

Efesa 2:17

Tua hi a, Khris in Pasian tawh a kigamla no Gentail mite tung le Pasian tawh a kinai Jew mite tungah kilem nading Lungdamna Thuhoih a hong hilh hi.

Efesa 2:13

Ahi zongin a gamlapi ah a omngei hi napi-in tu-in Khris Jesu tawh na kipawlna hangun ama sihna in Pasian kiang hong tunpih hi.

Luka 15:12

A nau zaw pa in, ‘Pa aw, neihsa keiʼ ngah ding taang teng tu-in hong pia in,’ a ci hi. Tua ahih manin a pa in zong, a ta tegel a hawmsak hi.

Luka 15:14

A sum neih khempeuh a zat mang khit ciangin tua ama omna gamah kialpi tung a, ahi zongin amah in bangmah nei nawn lo hi.