Luka 15:10 - Tedim Bible Revision 2017

¹⁰ Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Tedim Bible

¹⁰ Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Luka 15:10 Referans Kwoze

Luka 15:7

Tua mah bangin kisikkik ding a kisam lo mihoih sawm kua le kuate tungah lungdamna sangin mawhnei mi khat a kisikna hangin vantungah lungdamna lian zaw ding hi,” a ci hi.

2 KORIN NIHNA 7:10

Tua na dahna uh hotkhiatna ngah theih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Ezekiel 18:23

Migilo khat a si ka muh ciangin a lungdam dingin hong ngaihsun na hi uh hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Luka 13:5

Hi lo hi. Keʼn kong cih in ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Ezekiel 18:32

Kuama sih ding ka deih kei hi. Tua ahih manin na mawh gamtatna uh khawlin nungta un, Topa Pasian in ci hi,” a hong ci hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Luka 7:47

Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Filemon 1:15

A tawntungin nang kiangah amah hong om paisuak theih nadingin tawl khat sung nang kiang panin Onesimas a paikhia zong hi kha thei ding hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Mattiu 10:32

“Keima mi ahihna thu miteʼ theihin a gen khia mite, kei zong vantungah ka Paʼ mai ah keima mi ahihna thu ka gen ding hi.

Luka 12:8

“Note kiangah kong cih in ah, keima mi ahihna miʼ theihin a gen khiate, Mihing Tapa in zong Pasianʼ vantung miteʼ mai ah, keima mi hi, ci-in gen khia dinga,

Luka 12:9

ahi zongin keima mi ahihna miʼ theihin a gen khia nuam lote, Pasianʼ vantung mite mai ah zong keima mi hi, ci-in Mihing Tapa in gen khia nuam lo ding hi.

Luka 15:9

A muh ciangin a lawmte le a veengte samin amaute kiangah, ‘Ka sum mansuah sa mukik ka hih manin ka nuam mahmah hi. Lungdamna pawi bawl ni,’ ci ding hi.

Luka 15:11

Tua ciangin Jesu in thu gentehna khat gen leuleu a, “Mi khat in tapa nih a nei hi.