Luka 14:9 - Tedim Bible Revision 2017

⁹ innteek pa in note kiangah, ‘Hih lai ah amah tusak zaw ni,’ hong ci ding hi. Tua ciangin mi nautangteʼ tutna munah maizumpi in na tu suk ding uh hi.

Tedim Bible

⁹ hong sampa leh amah hong pai-in, ‘Hih pa ading omna na awn in,’ hong ci ding hi. Tua ciangin zumna tawh a niampen munah na tu ding hi.

Luka 14:9 Referans Kwoze

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Paunak 11:2

Mi kiphasakte in min siatna ngah pak ding ahih manin a hoihbekin om ding hoih zaw tham hi.

Paunak 3:35

Mipilte in minphatna le pahtawina ngah ding uh a, mihaite in maizumna le mindaina ngah ding uh hi.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Luka 13:17

Hih Jesuʼ dawnna in a langte khempeuh maizumsak a, Jesuʼ sep hih nalamdangte khempeuh hangin midang khempeuh a lungdam mahmah uh hi.