Luka 14:3 - Tedim Bible Revision 2017

³ Jesu in zong Thukham hilh siate le Farisi mite kiangah, “Sabbath ni-in cina damsak ding i Thukham in hong hiam, khak hiam?” ci-in a dong hi.

Tedim Bible

³ Zeisu in, “Nipi ni-in cinatna damsak tuak ahi hiam, damsak tuak lo ahi hiam?” ci-in thukham siate leh Farisaite kiangah a dot ciangin pau loin a om uh hi.

Luka 14:3 Referans Kwoze

Mattiu 12:10

Tua lai ah a khut lang khat a zaw mi khat a na om hi. Jesu gamta khial hi, ci-in a mawhna a zong nuam mi pawl khat tua lai ah om uh ahih manin tua mite in Jesu kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Luka 6:9

Tua ciangin Jesu in amaute kiangah, “Note tungah thu khat kong dong nuam hi. Sabbath ni-in a pha bawl ding le a sia bawl ding koi kilawm zaw a, mi khatʼ nuntakna suahtaksak ding le siatsak ding koi hoih zaw ahi hiam?” a ci hi.

Marka 3:4

Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deih zaw ahi hiam?” ci-in a dong hi. Ahih hangin kuamah in dawng lo hi.

Johan 7:23

Moses thupiakna a kipelh loh nadingin Sabbath ni-in vun at na hih uh leh Sabbath ni-in mi khat ka damsak manin bang hangin kei tungah heh na hi uh hiam?

Mattiu 22:35

Amaute sung panin Thukham hilh siate khat in Jesu a thangsiahna-in thu hong dong a,

Mattiu 12:2

Farisi mite in a muh uh ciangin Jesu kiangah, “En in, Sabbath ni-in i hih dingin a kilawm lo gamtatna na nungzuite gamta uh hi,” a ci uh hi.

Luka 14:2

Tua laitakin a khut le a khe a bawk mi khat Jesu kiangah hong pai a,

Luka 14:4

Ahi zongin kuamah in dawng loin omcip uh hi. Jesu in zong tua mipa samin a damsak khit ciangin a ciahsak hi.