Luka 14:23 - Tedim Bible Revision 2017

²³ Tua ciangin a topa in a nasem pa kiangah, ‘Gam sung lam liante le lam neute ah va pai inla, ka inn ah mi a dim theih nadingin mi khempeuh hong paipih mang khin in.

Tedim Bible

²³ A topa in, ‘Ka inn a dim nadingin lampi leh lo lamah pai in la, amaute zawhthawhna tawh hong tumsak in.

Luka 14:23 Referans Kwoze

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

2 KORIN NIHNA 5:11

Pasian zahtak nading thu ka lungsim uh ah om tawntung ahih manin mite ka zol zawh nadingun ka hanciam uh hi. Pasian in koteʼ lungsim teltakin hong thei a, note in zong na lungsim uh ah kei hong thei dingin ka hong um hi.

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.

2 KORIN NIHNA 5:20

Tua ahih ciangin kote pen Khris tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawl khatin na om nadingun Khris tangin a hong thum ka hi uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasianʼ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Sawltak 9:15

Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Sawltak 16:15

Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

Luka 24:29

ahi zongin amau tegel in kho-in, “Tu-in nitak lam hi ta a, ni tum dektak ahih manin ko tawh hong tam khawm in,” a ci uh hi. Tua ahih manin Jesu zong amaute tawh a tam hi.

Mattiu 5:41

Galkapte khatpeuh in tai khat sung a van pua dingin hong sawl leh a valin tai khat sung mah na puaksak lai in.

Luka 14:22

Tua khit a sawt loin a nasem pa in, ‘Topa aw, na cih bangin ka sam khin a, ahi zongin om nading mun om lai hi,’ a ci hi.

Luka 14:24

Keʼn kong cih in ah, ka sap masak mite khat beek in ka an ciam kha lo ding uh hi,’ ci hi,” a ci hi.