Luka 14:12 - Tedim Bible Revision 2017

¹² Tua ciangin Jesu in a innteek pa kiangah, “Sun-an nekna ah ahi a, nitak an nekna ah ahi zongin mi na sap ciangin, na lawmte ahi a, na sanggamte ahi a, na behte ahi a, mihau na veengte ahi zongin sam kei in. Amaute in zong an ne ding mahin nang hong samkik ding uh a, hih bangin hong sapna hangin na anvakna thaman a ngahkik na hi ding hi.

Tedim Bible

¹² A sampa kiangah Zeisu in, “Sun an ahi zongin, nitak an ahi zongin na vaak ciangin, na lawmte ahi zongin, na u na nau ahi zongin, na beh na phung ahi zongin, sumhau na inn veengte ahi zongin na sam kei in. Tua bangin na sap leh, amaute in nang hong sam kikin, nang hong thuk ding uh hi.

Luka 14:12 Referans Kwoze

Mattiu 5:46

Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Paunak 22:16

Hauh nop manin mihaute letsong pia leeng kizawn lawh a, hauh nop manin mizawngteʼ neihsa laksak lehang zong kihauh lawh tuan lo hi.

Paunak 14:20

Kuamah in mizawngte ngai lo a, mihaute in lawm tampi nei hi.

Luka 1:53

Bangmah a nei lote tungah na manpha tampi pia a, mihaute, khuthawm guakin a pai khiasak hi.

Luka 1:58

Topa in amah a hehpih mahmahna thu a zak uh ciangin a veengte le a behte khempeuh in a lungdam pih uh hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Luka 14:13

Tua bangin anvakna pawi na bawl ciangin mizawngte, khezawte, khebaite le mittawte sam in.

2 KORIN NIHNA 6:13

Tua ahih manin tate tungah thugen bangin thu kong gen hi. Koteʼ ngaihsut bangin note in zong hong ngaihsun unla, na lungsim uh hong taanzausak ta un.