Luka 13:4 - Tedim Bible Revision 2017

⁴ Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Tedim Bible

⁴ Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam?

Luka 13:4 Referans Kwoze

Nehemiah 3:15

Mizpah gam a uk, Kolhozehʼ tapa Shallum in Tuinak Kongpi puah a, tua kongpi bawl pha-in a kongkhakte a kalhna bulh hi. Tua ciangin amah in kumpipaʼ huan gei-a kulh ciang a, David khuapi pan a hong pai suk kahlei ciang dong a sem hi.

JOB (Job) 1:19

Tua laitakin sehnel gam panin huihpi pingpei hong nungin a inn mut pai-in na tate deng lum hi. Nang kiangah hih thu a hong ko thei dingin kei bek kong suakta hi,” a ci hi.

Johan 9:11

Amah in, “Jesu a kici mi khat in a cil tawh buan bawlin ka mitte hong nuhsak a, ‘Siloam Bual ah pai inla na mai va phiat in,’ hong ci ahih manin kei zong va pai-in ka mai ka phiat leh khua ka mu theikik hi,” ci-in a dawng hi.

Johan 9:7

“Siloam Bual ah na mai va phiat in,” ci-in a sawl hi. (Siloam a cih ciangin, Sawl, a cihna ahi hi.) Tua ahih manin mittaw pa zong va pai-in a mai va phiat a, khua mu thei sa-in hong paikik hi.

Mattiu 18:24

Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

Luka 11:4

Kote tungah a hong mawhte mawhmaisakna ka neih bangun koʼ mawhna zong hong maisak in. Ze-etna lian hong thuaksak keʼn,’ ci-in na ngen ding uh hi,” a ci hi.

1 KUMPI MASATE 20:30

Tua ciangin a omlaite Afek khuapi ah tai uh a, ahi zongin tuate mi tul sawm nih le tul sagih pen khuapi kulh in cipnelh hi. Benhadad zong tai a, khuapi sunga inn dei sung nung khat ah a lut hi.

Isaiah 8:6

“Hih mite in dam takin a luang didi Shiloah tuite nial uh a, Rezin le Remaliahʼ tapaʼ mai ah launa tawh liingliang uh hi.

Luka 13:3

Hi lo hi. Keʼn kong cih in ah, na mawhna panun na kisik kei uh leh amaute mah bangin note zong na si ding uh hi.

Luka 13:5

Hi lo hi. Keʼn kong cih in ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Sawltak 28:4

Tua lai-a teeng mite in Paulʼ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.