Luka 13:19 - Tedim Bible Revision 2017

¹⁹ Mi khat in a lo ah a vawh ankam tang khat tawh kibang hi. Tua ankam tang hong khangin kung golpi hong suak a, vasate in a hiang tungah bu a tom thei uh hi,” a ci hi.

Tedim Bible

¹⁹ Mi khat in huanah a cin ankam tang tawh kibang hi. Ankam tang khangin kung suak a, vana vasate in a hiangah a tuang thei uh hi,” a ci hi.

Luka 13:19 Referans Kwoze

Daniel 4:12

A tehte hoih mahmah a, leitung bup khamkhop ding gah a gah hi. Gamsate in a liim beel uh a, vasate in a hiang kawmah bu bawl uh a, a nungta thei khempeuh in a gah a ne uh hi.

Daniel 4:21

A tehte hoih mahmah a, leitung bup a vak zo ding gah a gah hi. Gamsate, a nuai ah tawlnga uh a, vasate in a hiang kawmah bu a bawl uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Sawltak 2:41

Mi tampi in ama thugen umin tui kiphum uh a, tua ni-in mihing tul thum bang kibehlap uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Ezekiel 31:6

Vasa nam khempeuh in a hiang tungah bu tom uh a, ganhing nam khempeuh in a liim nuai, tasuahna-in a nei uh hi. Leitung minam khempeuh in zong a liim nuai belhin a nei uh hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Sawltak 21:20

Ama thugen teng a zak khit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai ah na theih ding thu khat om hi. Hih lai ah thu um Jew mi tampi tak om a, amaute in thukham nak zuih mahmah uh hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Isaiah 58:11

Tua ciangin note lam kong lak tawntung dinga, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu dinga, ama khan a sau ding hi. Topa’ deihna ama khut sungah pung ding hi.

Solomon la 6:2

Ka ngaihno, paknamtui kung a pona, a huan sungah pai hi. A huan sungah a tuu cing a, unok paakte a lo hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Jeremiah 31:12

Amaute hong pai-in Zion mual tungah ngaih takin la sa ding uh a, Topaʼ hehpihna ahi, buh, leenggahzu, sathau le tuuno, bawngnoteʼ hangin amaute a lungdam mahmah ding uh hi. A nuntakna uh, tui a kibuak huan bang dinga, lungkham nawn lo ding uh hi.

Isaiah 61:11

Bang hang hiam cih leh leitung in a dawn meengsakin, huan in a kituhte a posak mah bangin Topa Pasian in minam khempeuh mai ah thumanna le phatna a po khiasak hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu ah Topa’ vangliatna khut kua in bangci muh theih ding ahi hiam?

Solomon la 8:13

Huan sunga om ka ngaihno aw, ka lawmte in hong ngai dide ahih manin nangma aw zong, hong gingsak dih in.

Solomon la 4:16

Saklam huih aw, hong nung suk inla, khanglam huih aw, hong nung to in. Ka huan sungteng hong namtuisak un. Ka ngaihno, ka huanah hong paisak unla, a gah limci pente hong nesak un.

Solomon la 4:12

Ka lawmnu, ka naunu, a ki-umcip huan hi a, a kinei tuam tuinak ahi hi.

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piang zo ding hi.

Marka 4:30

Tua ciangin Jesu in, “Pasianʼ Ukna bang tawh kibang ci dinga, i gen tel nadingin bang thu gentehna zang ding ihi hiam?