Luka 13:17 - Tedim Bible Revision 2017

¹⁷ Hih Jesuʼ dawnna in a langte khempeuh maizumsak a, Jesuʼ sep hih nalamdangte khempeuh hangin midang khempeuh a lungdam mahmah uh hi.

Tedim Bible

¹⁷ Zeisu in hih thu a gen ciangin, a galte a vekpi-un a zum uh hi. Mihonpite khempeuh in ama bawlna pha hangin a nuam uh hi.

Luka 13:17 Referans Kwoze

1 PETER MASA 3:16

Khris nungzui na hihna hangun na gamtat hoihna uh hong gensia-in hong simmawh bawl a om ciangin a maizum theih nadingun na lungsim uh ah kisuanna a om het lo dingin na siangtho om un.

Late 132:18

Ama galte maizumna tawh ka dimsak dinga, ahih hangin ama kumpi gam khangin zai semsem ding hi,” na ci hi.

2 TIMOTI NIHNA 3:9

Ahi zongin Jannes le Jambres-te tungah a piang sa thu mah bangin mi khempeuh in amauteʼ haina mu ding uh ahih manin a nasepna uh sau tung khol lo ding hi.

Sawltak 4:21

Ahi zongin uliante in a khauh zaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Luka 20:40

Tua ahih manin Saddusi mite in thu a dong ngam nawn kei uh hi.

Luka 19:48

ahi zongin mi khempeuh in a thugente mal khat zong khahsuah nuam loin a thu ngai tawntung uh ahih manin a suktheih nading uh a hun om thei lo hi.

Luka 18:43

Amah in zong thakhatin khua mu thei pah a, Jesu zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Luka 14:6

Ahi zongin kuamah in hih thu dawng thei lo uh hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Isaiah 4:2

Tua ni ciangin Topa’ bul sel pen melhoihin minthang dinga, leitung panin a piang gahte pen, a suakta lai Israel miteʼ kiphatsakna le minthanna hi ding hi.

Late 111:3

Ama nasepnate, pahtawina le minliatna tawh kidim a, ama thumanna kip tawntung hi.

Late 109:29

Kei hong mawhsakte in mindaina silh uh henla, puanza silh bangin amauʼ maizumna tawh kituamcip ta uh hen.

Late 40:14

Kei a hong that nuamte zahhuaisak inla, maisiasak in. Keima siat nading a deihte nungkiksak inla minsiasak in.

Paikhiatna 15:11

“Topa aw, pasian-teʼ lakah kua, nang tawh kibang ahi hiam? Kua, nang tawh kibangin, sianthona ah lianin, minthang nasepna ah kihtakhuai-in, nalamdang sem ahi hiam?

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Titu 2:8

miteʼ mawh mat theih loh ding kam hoihte na zang in. Tua hileh i langte in hong gensiat theih nading mu loin a mai uh zum lel ding hi.