Luka 13:16 - Tedim Bible Revision 2017

¹⁶ Tua mah bangin Satan in Abrahamʼ suante khat ahi hih numei pen kum sawm le kum giat sung hencip hi. Hih a kihencipna panin Sabbath ni-in hih numei khahkhiat ding kilawm hi lo ahi hiam?” a ci hi.

Tedim Bible

¹⁶ Kum sawm leh kum giat Satan in a hencip Abraham’ tanu hih numei in Nipi ni-in kikhah tuak hilo ahi hiam?” ci-in a gen hi.

Luka 13:16 Referans Kwoze

Marka 2:27

Tua ciangin Jesu in, “Sabbath ni, mihingteʼ phattuam nadingin a kibawl hi a, mihing pen Sabbath ni a phattuam nadingin a kibawl hi lo hi.

2 TIMOTI NIHNA 2:26

Dawimangpa in ama deihna bangin a gamta dingin a mat khit hangin ama thang panin amaute suakta kha thei ding uh hi.

Sawltak 13:26

“Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Luka 19:9

Tua ciangin Jesu in ama kiangah, “Tu ni-in hih innkuan in hotkhiatna a ngah hi. Hih mipa pen Abrahamʼ suante khat zong hi lai hi.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Late 107:14

Amah in khuamial sung le a zing sung panin amaute la khia a, amau a kihennate a bot sat hi.