Luka 13:11 - Tedim Bible Revision 2017

¹¹ Dawivei numei khat tua lai ah om a, tua dawi in kum sawm le kum giat sung tua numei cinasakin a nung kulsak a, ding tang thei het loin a om hi.

Tedim Bible

¹¹ Tua lai-ah kum sawm leh kum giat a cina numei khat a om hi. Ama nung kulgawp a, a pum neukha beek a kizan thei kei hi.

Luka 13:11 Referans Kwoze

Luka 8:2

le a sung pan dawi a hawl khiatsakte le natna tuamtuam pan a damsak numei pawl khat in zong a zui uh hi. Tua numeite: A sung panin dawi sagih a kihawlkhiatna Mary (Magdala khuami Mary a kici nu),

Luka 13:16

Tua mah bangin Satan in Abrahamʼ suante khat ahi hih numei pen kum sawm le kum giat sung hencip hi. Hih a kihencipna panin Sabbath ni-in hih numei khahkhiat ding kilawm hi lo ahi hiam?” a ci hi.

Luka 8:27

Gunkuang tung panin leilak ah Jesu hong pai suk laitakin tua khua sunga om dawivei mi khat in a na dawn hi. Tua dawivei pa pen sau veipi sung puan silh loin om khin a, inn ah zong om loin han lak khawngah om tawntung hi.

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Sawltak 4:22

Bang hang hiam cih leh hih nalamdang a kibawlna mipa pen a khan kum sawm li val a pha khin sa mi khat ahi hi.

Luka 8:43

Tua laitakin kum sawm le kum nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Marka 9:21

Jesu in, “A nat zawh bang tanvei sawt ta ahi hiam?” ci-in a pa kiangah a dong hi. “A neu tung a kipan ahi hi.

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Sawltak 3:2

Kongpi Hoih a kici gei ah a suah tung a kipan a khebai mi khat na om hi. Biakinn ah a pai mite tung panin sum a ngen dingin nisimin hih kongpi gei ah amah hong kikoih zel hi.

Late 42:5

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 38:6

keimah hong kikunsak a, hong kibokcipsak hi. Sun thapai-in kapin ka vak kawikawi hi.

JOB (Job) 2:7

Tua ahih ciangin Topaʼ omna panin Satan paikhia a, Job a khetul pan a luzang dongin a kihhuai meima a veisak hi.

Late 145:14

Topa in a puk mite khempeuh huh a, niamsakna a thuakte khempeuh a sangtosak hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Luka 13:12

Jesu in tua numei a muh ciangin a kiangah sam a, “Lawm aw, na natna panin na dam ta hi,” a ci hi.

Luka 21:28

Hih thute a pian ding hong kipat ciangin, note hong kihotkhiat ding hun hong nai ta ahih manin, dingin nuamna lungsim tawh khuadak un,” a ci hi.