Luka 12:48 - Tedim Bible Revision 2017

⁴⁸ Ahi zongin a topaʼ deihna a theih lohna hangin sat thuak nading a gamta kha nasem pa pen kidam sat zaw deuh ding hi. Tampi a kipiakna pa tung pan tampi kikal dinga, a tam zaw a ki-apna pa tung pan a tam zaw kikal ding hi,” ci-in a dawng hi.

Tedim Bible

⁴⁸ A topa’ deihna thei lo a, sat nading a kilawm a gamta nasempa in tawmno satna a thuak ding hi. Hehpihna tampi a ngahte tung panin tampi kingen ding hi. Amaute in mi khatpeuh mah tampi a piak leh, tua mi kiang pan na tampi a ngen kik ding uh hi.”

Luka 12:48 Referans Kwoze

Jeim 3:1

Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.

Siampi Laibu 5:17

“Hih lo ding, ci-in Topaʼ thupiakte khat peuhpeuh, mi khatpeuh in hihin a khialh leh, a theih lohna hang hitaleh zong, amah a mawh hi veve-in, ama mawhna mah pua ding hi.

Johan 15:22

Kei hong pai kei-in amaute tungah thu a gen lo hi leng amaute in mawh pua lo ding uh hi. Ahi zongin tu-in ahihleh a mawhna thu uh ah kiphel nading a paulap ding uh bangmah om nawn lo hi.

Mattiu 13:12

Bang hang hiam cih leh a nei sate tungah kipia thuahin hau semsem dinga, a nei lote tung panin a neihsa sunsun nangawn kilaksak ding hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

1 TIMOTI MASA 1:11

Thuman ka cih pen thupha tawh kidimin a minthang Pasian in ka hilh dingin kei tungah a hong piak Lungdamna Thu ahi hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

1 TIMOTI MASA 6:20

Timoti aw, nang tungah a hong kipia thute hoihtakin na zui in. Mi pawl khatte in, “Thu theihna,” ci-in a ngaihsut khak uh, Pasianʼ thu tawh a kituak lo, thu kihai selnate na pelh in.

Gamlak-vakna 15:27

“Theih lohna hangin mi khat a khialh leh, khialhna hanga biak nadingin kum khat a pha keel nu khat pia ding hi.

Thu-hilhkikna 25:2

a mawh pa satna thuak dinga kilawm ahihleh, thukhen pa in amah lum suksakin a khialhna zahin ama muhin satsak ding hi.

Luka 12:41

Peter in, “Topa aw, hih thu gentehna ko bek nong cihna ahi hiam, ahih kei leh mi khempeuh ading na cihna ahi hiam?” ci-in a dong hi.

Luka 12:49

Tua ciangin Jesu in, “Leitungah meikuang a khah dingin a hong pai ka hi a, tu mahmah in a meikuang kipan khinta hileh ka ut hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zang mang uh a, mite in mihoih hong sak theih nading na deihna-un thu sau pipi na ngen uh hi. Hih bangin na gamtatna uh hangin na gim thuak ding uh nasia zaw kan lai ding hi.