Luka 12:43 - Tedim Bible Revision 2017

⁴³ A topa hong ciah ciangin hih ama sawl bangin a sem a muh nasem pa pen mi hampha mahmah ahi hi.

Tedim Bible

⁴³ A topa hong ciah ciangin, tua banga gamta-a a om a muh nasempa in thupha a ngah ding hi.

Luka 12:43 Referans Kwoze

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Luka 12:44

Keʼn kong cih in ah, a neihsa khempeuh a uk dingin a topa in tua nasem pa koih takpi ding hi.

Late 101:6

Leitungah a thuman mite kei tawh a om theih nadingin maipha ka pia dinga, paubaanna om loin a gamta mi in keima na hong sem ding hi.

Paunak 27:18

Theikung a cing pa in a theigah ne a, a tapa a kem pa in pahtakna ngah hi.

Isaiah 56:2

Hih banga a gamta mite, hih thu a lenkip mihingte, Sabbath tangin a siasak lote, siatna bawlna ding panin hoihtakin a kikemte, thupha ngah mi ahi hi,” a ci hi.

Mattiu 24:46

A topa hong ciah ciangin ama sawl bangin na semin a om a muhpa pen mi hampha mahmah khat ahi hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.