Luka 12:30 - Tedim Bible Revision 2017

³⁰ Gentail mi khempeuh in hih nate lunghihmawh penin nei uh hi. Hih nate na kisap lamtak uh zong na Pa un hong thei hi.

Tedim Bible

³⁰ Upkhialh lungsim nei kei un. Bang hang hiam na cih uh leh, leitung mipawlte in hih nate khempeuh a zong uh hi. Note ahih leh, na Pa un tua nate khempeuh na sap uh ahih lam a thei hi.

Luka 12:30 Referans Kwoze

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Mattiu 6:8

Tua na thunget ma nangawnun na Pa un noteʼ kisapna teng hong thei khin ahih manin Gentail mite na bang kei un.

Efesa 4:17

Tu-in Topaʼ min tawh limtakin note kiangah ka hong gen nop thu in: Thu um lo dawi biate bangin gamta nawn kei un. Amauteʼ thu ngaihsutte a kimang bangmah om lo a,

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 10:20

Thu na gen uh ciangin noteʼ gen hi loin, na Pa uhʼ Kha Siangtho in note tungtawnin thu a gen ding ahi hi.

Mattiu 5:47

Na lawmte bek uh hopihin thupha na piak uh leh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Mattiu 6:1

“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

Luka 12:31

Tua ahih manin Pasianʼ Ukna ngaihsutin nei masa zaw un. Tua hileh hih na kisapna dangte uh zong Pasian in hong pia thuah ding hi,” a ci hi.