Luka 12:26 - Tedim Bible Revision 2017

²⁶ Tua bang a themno khat nangawn hih thei lo na hih uh leh bang hangin a dangte lunghimawh se na hi uh hiam?

Tedim Bible

²⁶ Tua ahih ciangin, a neupen thu nangawn na hih zawh kei uh leh, adangte ading bang hang lunghimawh na hi uh hiam?

Luka 12:26 Referans Kwoze

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kuaʼ ngah ding cih thei lopi-in mite in na a khol uh hi.

Thuhilh-sia 7:13

Pasianʼ sep sate ngaihsun dih in. Pasian in a kawi-a a bawl sate kua in mamsakkik thei ahi hiam?

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

Mattiu 6:25

“Tua ahih ciangin note kiangah kong genin ah: Na nuntak nadingun bang ne-in bang dawn ding cih ahi a, na pumpi uh adingin bang silh ding cih ahi zongin lunghimawh lua kei un. Nuntakna pen an sangin thupi zaw a, pumpi pen puan sangin thupi zaw hi lo ahi hiam?

Luka 12:25

Note na lunghihmawh manun na nuntak hun uh nai khat sung bek a sot to thei kua om na hi uh hiam?

Luka 12:27

Gamlak a paakte ngaihsun dih un. Tuate in a nek ding uh na sem lo uh a, a silh ding uh puan zong gan lo uh hi. Ahi zongin note kiangah kong genin ah: Bangzahin a hauh hangin Solomon nangawn, hih paakte khat zahin a hoihin kizem zo lo lai hi.