Luka 12:19 - Tedim Bible Revision 2017

¹⁹ Tua ciangin keimah in: Mi hampha mahmah ka hi hi. Kum tampi sung ka khom ding an nek tui dawn le na hoih tampi ka nei hi. An ne, zu ne-in, a nuam theithei-in ka om hithiat ding hi,’ ci hi.

Tedim Bible

¹⁹ Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Luka 12:19 Referans Kwoze

Paunak 27:1

Zing ciang hun ading kima-sialh kei in. Tu hun le tua hun kikalah a piang ding thu bangmah na thei kei hi.

1 KORIN MASA 15:32

Hih leitung a phattuam nading bekin ngaihsun ni ci lehang, sahang tawh kilaii bang keekin Efesa khua mite tawh ka kihihna uh ah gim thaman bang ngah ka hi uh hiam? Misite hinkikna om lo ding hileh, “Zing ciangin si kha ding ihih manin i duhduhin an ne zu ne-in nuam takin om ni,” ci-in paunak a om bangin gamtat lel ding ahi hi.

Isaiah 5:11

Zingsang tungin tho-in, khamtheih zu delhin, leenggahzu in amaute a satsak pialpual matengin nitakin a tut kho mite in gimna ngah tahen!

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hih nop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Jeim 5:5

Hih leitung na nuntak sungun uang nekin na nop tat mahmah uh hi. Note hong kigawh hun ding kiginna-in a kithausak phitphet na hi uh hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Paunak 18:11

Khuapi kiim a kulhpi in amah a hut bangin a hauhna in amah a hu dingin mihau pa in ngaihsun kha hi.

Late 62:10

Zawhthawh thu tawh ngahna muanin nei kei inla, suh gawpnate lametin nei kei in. Na hauhna a khan leh, tuate muanin nei kei in.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

1 PETER MASA 4:3

A beisa hunah dawi biateʼ gamtat bangin a hoih khop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

2 TIMOTI NIHNA 3:4

ciampelin, thu khual loin, kiphasak gawpin, Pasian don loin pumpi nopsakna bek deihin,

Hosea 12:8

Israel mite in, “Tu-in ka hau uh a, kote adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Isaiah 22:13

Ahih hangin note in lungdamna le kipahna, bawngtalte le tuute gawhna, sa nekna le leenggahzu nekna na nei zawsop uh a, “Zing ciangin si ding ihih ciangin nene-in dawndawn ni,” na ci zawsop uh hi.

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Paunak 23:5

Na ngah sa uh sumte mitphiat kalin bei mang thei a, muvanlai bangin thakhatin leeng mang thei hi.

JOB (Job) 14:1

“Mihingte a nuntak hun tom mahmah a, lungkhamna tawh kidim hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

1 TIMOTI MASA 5:6

Ahi zongin a pumpi uh deihna zui-in a gamta meigong numeite pen a pumpi uh a nuntak hangin kha thu ah a si khin ahi uh hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Habakkuk 1:16

A ngente un amauʼ deih peuhpeuh ngahsak ahih manin, amaute in a ngente uh bia-in biakpiakna zong a pia uh hi.

Late 49:18

A hin lai-in amah a lungdamin kingaihsunin, mi khat in ama ading na a lim sep ciangin phatna a ngah hangin,

1 SAMUEL MASA 30:16

Tua ciangin amah in David paipih suk hi. Filistia-teʼ gam le Judah gam panin a lak uh na tampite hangin amaute gam sung khempeuh ah kithehthangin an ne, tui dawn, laamin na om uh hi.

Paunak 10:2

Thuman loin ngahna ah phattuamna om lo a, thumanna in sih nading pan hong hon hi.

Thuhilh-sia 2:24

Mihing khat in a nasepna thamanin an ne tui dawnin nuamsa-in a om sangin a hoih zaw bangmah dang om lo hi. Ahi zongin tua nangawn zong, Pasianʼ hang ahihna ka phawk hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Amos 6:13

Lodebar khua bang lel na lak zawhna uh ah na lungdam uh a, “Eima thahatna tawh Karnaim khua i la zo hi,” na ci uh hi.

Luka 12:18

Tua ahih manin hih bangin ka gamta ding hi: Ka ansalte phelin a lian zaw ansalte ka lam dinga, tuate sungah ka ante le ka neih khempeuh ka seng ding hi.

Paunak 14:24

Pilna pen mipilteʼ minthanna lukhu hi a, haina pen mihaiteʼ kizepna bulpi ahi hi.