Luka 12:17 - Tedim Bible Revision 2017

¹⁷ Tua ciangin amah in a lungsim sungah, ‘Ka an khempeuh ka koih nading mun kicing lo ahih manin bang cih ding ka hi hiam?

Tedim Bible

¹⁷ An teng koih nading om lo ahih ciangin, bang ka ci hih ding hiam ci-in a lungsim sungah a ngaihsun hi.

Luka 12:17 Referans Kwoze

Mattiu 5:42

Mi khat peuhpeuh in na khat peuhpeuh hong nget leh na pia inla, nang kiang panin na a hong leitawi mite na pia in.

Isaiah 58:7

Na an uh a gilkialte tawh nekhawm unla, inn nei lo a zawngte na inn sung uh ah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

1 JOHAN MASA 3:16

Itna i cih bangci theih ding ihi hiam cih leh: Khris in eite adingin a nuntakna hong pia hi. Ei zong i Khristian mipihte adingin i nuntakna i piak ngam ding ahi hi.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hi ta un.

Sawltak 16:30

Tua ciangin amaute pusuah pih a, “Tote aw, hotkhiatna ka ngah nadingin bangci gamtat ding ka hi hiam?” ci-in a dong hi.

Luka 19:17

Amah in, ‘Hoih mahmah hi; nang pen nasem gina na hi hi. Thuneu ah citak na hih manin khuapi sawm na uk ding hi,’ a ci hi.

Luka 18:22

Jesu in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Luka 16:9

“Note kiangah kong genin ah, hih na leitung sum uh a bei ciangin tawntung nuntakna inn ah hong kilutsak theih nadingin lawm zonna-in hih leitung sumte na zang un.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Luka 16:3

Tua ciangin a nasem pa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

Luka 12:22

Tua ciangin Jesu in a nungzuite kiangah, “Tua ahih ciangin note kiangah kong genin ah: I nuntak nadingin bang ne dinga, i pumpi tungah bang silh ding ihi hiam, ci-in lunghimawh kei un.

Luka 11:41

Ahi zongin na hai leh na kuang sung uh ah a omte pen itna tawh mizawngte tungah pia le-uhcin, note adingin na khempeuh hong siang ding hi.

Luka 10:25

Jesu a ze-et dingin Thukham hilh siate khat hong dinga, “Sia aw, nuntak tawntungna ka ngah theih nadingin bang sem ding ka hi hiam?” ci-in a dong hi.

Luka 3:11

Johan in, “Puanak nih a nei mipa in a nei lote hawm unla, annek ding a neite in a nei lote hawm un,” ci-in a dawng hi.

Thuhilh-sia 11:2

Na sumbuk vante mun sagih ah ahi a, mun giat ah ahi zongin khen kawikawi in. Hih leitungah bang thusia hong piang ding cih na thei khol kei hi.

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Luka 12:16

Tua ciangin Jesu in amaute kiangah thu gentehna khat gen a, “Mihau pa khatʼ lo ah an tampi a piang hi.

Luka 12:18

Tua ahih manin hih bangin ka gamta ding hi: Ka ansalte phelin a lian zaw ansalte ka lam dinga, tuate sungah ka ante le ka neih khempeuh ka seng ding hi.