Luka 12:12 - Tedim Bible Revision 2017

¹² Bang hang hiam cih leh a hun a tun ciangin Kha Siangtho in na gen ding teng uh hong hilh ding hi,” a ci hi.

Tedim Bible

¹² Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

Luka 12:12 Referans Kwoze

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Mattiu 10:20

Thu na gen uh ciangin noteʼ gen hi loin, na Pa uhʼ Kha Siangtho in note tungtawnin thu a gen ding ahi hi.

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Paikhiatna 4:11

Tua ciangin Topa in ama kiangah, “Kua in mipaʼ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hi lo ka hi hiam?

Sawltak 7:55

Ahi zongin Stefen ahihleh Kha Siangtho tawh kidimin vantung lam en to a, Pasianʼ minthanna vang le Pasianʼ tak lamah Jesu a ding mu ahih manin,

Paikhiatna 4:12

Tua ahih ciangin tu-in pai in. Keimah in na thugenna ah kong huh dinga, na thugen ding nang kong hilh ding hi,” a ci hi.

Mattiu 10:19

Tua bangin thusitna a thuak dingin hong kipaipih ciangin, bang gen ding ihi hiam, ci-in lunghimawh kei un. A hun a tun ciangin na gen ding teng uh hong kihilh ding hi.

Luka 12:13

Tua laitakin mihon lak panin mi khat in Jesu kiangah, “Sia aw, ka pa un a hong sihsan gamh pawl khat tawh ka u in kei hong inntuan nadingin hong gensak in,” a ci hi.