Luka 11:52 - Tedim Bible Revision 2017

⁵² No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

Tedim Bible

⁵² No Thukham siate aw, gimna na thuak ding uh hi. Bang hang hiam na cih uh leh, note in lungpilna’ konghon’na na lakhia uh hi. No lah lut loin, a lut nuamte zong na kham uh hi,” a ci hi.

Luka 11:52 Referans Kwoze

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Malakhi 2:7

Siampiteʼ nasep pen Pasian a manin theih nading a hilh ding uh ahi hi. Amaute pen, Vanglian Topaʼ kamtaite ahih manun, mite in keima deihna a theih nadingun amauteʼ tungah thu a dot ding uh ahi hi.

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Mattiu 22:35

Amaute sung panin Thukham hilh siate khat in Jesu a thangsiahna-in thu hong dong a,

Luka 11:53

Tua mun panin Jesu a paikhiat khit a kipanin Thukham hilh siate le Farisi mite in nakpi takin Jesu mawh zon ding kipanin thu tampi tak dong uh a,