Luka 11:49 - Tedim Bible Revision 2017

⁴⁹ Tua thu hangin Pasianʼ Pilna a kici laibu sungah, ‘Amaute kiangah kamsangte le sawltakte ka sawl dinga, amaute in tua mite pawl khat bawlsia-in na that ding uh hi,’ ci-in kigelh hi.

Tedim Bible

⁴⁹ Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Luka 11:49 Referans Kwoze

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Kolose 2:3

Khris pen Pasianʼ pilna le a thuthuk khempeuh a kitheih theih nading ahi hi.

Efesa 4:11

Amah in mite tungah siamna a tuamtuam hong pia a, pawl khatte sawltak nasep a sem ding, pawl khatte kamsang nasep a sem ding, pawl khatte thuhilh kawikawi nasep a sem ding, pawl khatte pawlpi kem nasep a sem ding le pawl khatte laihilh nasep a sem dingin a hong seh hi.

1 KORIN MASA 1:24

Ahi zongin Pasian in a hong sap ei Jew mite le Gentail mite adingin Khris pen Pasianʼ vangliatna le Pasianʼ pilna ahi hi.

Sawltak 22:20

Nangma thu a gen Stefen a kithah laitakin kei mahmah zong ka om a, tua a kithahna thukimpihin a thatteʼ puante nangawn ka kepsak hi,’ ci-in ka dawng hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khat ah pai kawikawi-in, thu um numei le pasalte kai-in thong sungah a khia hi.

Sawltak 7:57

Ahi zongin amaute in a bil uh hum sanin nakpi takin kiko-in Stefen bawhhuan uh a,

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 22:6

a dangte in a nasemte manin a na sat gawp khit uh ciangin a na that uh hi.

Jeremiah 7:25

Na pu na pate uh Egypt gam panin a hong paikhiat ni uh a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Luka 11:48

Tua ahih manin na pu na pate uh gamtatnate a thukimpih, a tecite na hi uh hi. Bang hang hiam cih leh amaute in kamsangte thatin, note in a han na bawl uh hi.

Sawltak 11:27

Tua hun pawl laitakin Jerusalem khua panin Antiok khua ah kamsang pawl khat pai suk uh hi.

Mangmuhna 16:6

Amaute in mi siangthote le kamsangteʼ sisan luangsak uh ahih manin tu-in amauteʼ dawn dingin sisan a pia na hi hi. Hih pen amauteʼ ngah dingin a kilawm ahi hi,” a cihna thu ka za hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.