Luka 11:39 - Tedim Bible Revision 2017

³⁹ Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.

Tedim Bible

³⁹ Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

Luka 11:39 Referans Kwoze

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

Titu 1:15

Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

Sawltak 5:3

Peter in, “Ananias aw, bang hangin Satanʼ thu-in gamta a, na lo zuak man sumte pawl khat kem simin, Kha Siangtho khem na hi hiam?

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Galati 1:14

le ka khangualte lakah Jew biakna lamah a makai pen ka hihna thu le ka pu ka pate uh tang ngeinate a nak kin mahmah ka hihna a kipanin ka pianzia ngeisate khempeuh na zak sa na theih sa uh ahi hi.

Johan 12:6

Hih bangin kam a pauna pen mizawngte a khualna hang hi lo a, amah sumkem ahih manin a sumte gu-in a ututin a zang zel pa ahihna hang hizaw hi.

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Paunak 26:25

A lungsimah a deihhuai lo thu sagih tak om ahih manin kam khum takin a pau manin um kha kei in.

Late 22:13

Humpinelkai hawk, a sa bawh nuam bangin amaute in kei hong kamkat beba uh hi.

2 KHANG TANGTHU NIHNATE 25:2

Topaʼ mitah a manin amah gamta a, ahi zongin a lungsim a paubaang lo hi zo nai sam lo hi.

2 TIMOTI NIHNA 3:5

biakna thu a puatham teng zui napi-in biakna hangin vangliatna thu a omte deih lo ding uh hi. Tua bangin a gamta mite na pelh in.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Paunak 26:23

Tungtham bek a kam khum pauna pen cimbeng kizut leibeel tawh kibang hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.