Luka 11:34 - Tedim Bible Revision 2017

³⁴ Na mittang uh noteʼ pumpi adingin meivak tawh kibang hi. Na mit uh ciim leh na pumpi khempeuh un hoihtakin mu thei a, na mit uh maang leh na pumpi uh adingin khuamial ahi hi.

Tedim Bible

³⁴ Na mittang in na pumpi’ meivak ahi hi. Na mit a vak leh, na pumpi zong a vak kim ding hi. Na mit a man’ leh, na pumpi khempeuh zong a mial ding hi.

Luka 11:34 Referans Kwoze

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Late 119:18

Nangma thukham sung panin a lamdang nate ka muh theih nadingin keima mitte hong honsak in.

Kolose 3:22

Silate aw, thu khempeuh ah na leitung topa uh thu na mang un. Amauʼ hong pahtak ding deihna tawh a hong muh sung bekin a hoih tatte hi kei unla, Topa na zahtakna uh hangin lungsim tak tawh gamta un.

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Efesa 1:17

i Topa Jesu Khrisʼ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Marka 4:12

Bang hang hiam cih leh, ‘Enen napi-un a muh nai loh nading, zaza napi-un a tel nai loh nading; amaute in mu-in tel le-uh Pasianʼ lamah kihei ding uh a, Pasian in amauteʼ mawhna maisak ding hi,’” ci-in a dawng hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Marka 8:18

Mit nei napi-in mu lo na hi uh hiam? Bil nei napi-in za lo na hi uh hiam?

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Sawltak 13:11

Tu-in Topa in nang hong su dinga, na mit taw-in tawl khat sung khua na mu kei ding hi,” a cih khit phetin, meii vom in Elymasʼ mit tuamcip a, a khut lenin amah a paipih ding mi a zawt kawikawi hi.

Isaiah 29:10

Bang hang hiam cih leh Topa in noteʼ sungah ihmut nopna lungsim hong guan a, amauʼ mit ahi kamsangte mit si sakin amauʼ lutang ahi thu mu theite khuhcip hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Late 81:12

Tua ahih ciangin a ut bangun a gamta dingin amauʼ lungsim khauhna bangin ka gamtasak hi.

Efesa 6:5

Silate aw, launa le linna tawh na leitung tote uh thu mang unla, Khrisʼ na na sep uh mah bangin lungsim takpi tawh na na sepsak un.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna le hai tatna a piangsak thei ngaihsutna hoih lote khempeuh,

Isaiah 42:19

Ka nasem pa bangin kua a mit taw a, keima sawl ka kamtai pa bangin kua a bilngong ahi hiam? Keima thuciampih pa bangin kua a mit taw a, Topa’ nasem pa bangin kua a mit taw ahi hiam?

Paunak 28:22

A huaiham mi in a hauh nadingin huai mengmeng a, a tawpna ah a zawn ding lamtak phawk kha lo hi.

Piancilna 19:11

Amaute in inn kongkhak ah a om mi a lian a neute a mit uh tawsak uh hi. Tua ahih ciangin kongkhak a zawtzawt hangun mu zo lo uh hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah tahen.

Luka 11:35

Tua ahih ciangin na pumpi sung uh a om khuavak pen khuamial ahih khak loh nading limtakin kingaihsun un.