Luka 11:32 - Tedim Bible Revision 2017

³² Thukhen Ni ciangin Nineveh khua mite hong dingin note mawhsakna thu hong gen ding uh hi. Bang hang hiam cih leh amaute in Jonahʼ thuhilhna a zak uh ciangin a mawhnate uh kisik uh a, ahi zongin Jonah sangin a lian zaw khat hih lai ah a om hi,” a ci hi.

Tedim Bible

³² Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Luka 11:32 Referans Kwoze

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Luka 11:31

Thukhen Ni ciangin leitaw lam gam pan a hong pai Kumpinu hong dingin tu hun mite mawhsakna thu hong gen ding hi. Bang hang hiam cih leh Solomonʼ pilna thu a za dingin leimong khat panin amah hong pai a, ahi zongin Solomon sangin a lian zaw khat hih lai ah om hi.

Jonah 4:9

Ahih hangin Pasian in Jonah kiangah, “Tua umgui hangin na heh ding kilawm sa na hi hiam?” a ci hi. Jonah in, “Ka heh ding kilawm sa tham loin heh lua-in ka si zongin kilawm ka sa veve hi,” a ci hi.

Jonah 3:5

Nineveh khua mite kisikin Pasian um uh a, an tan ding thu thangsakin, a gol pen pan a kipan a neu pen dongin puanhampi a silh uh hi.

Jonah 3:4

Jonah zong khua sung lam manawhin kipan a, ni khat sung lam a pai khit ciangin, “Ni sawm li khit ciangin hih Nineveh khuapi kisusia ding hi,” ci-in a kiko hi.

Mattiu 12:39

Ahi zongin Jesu in, “Tu hun a mite bangzahin giloin, Pasianʼ thu thei lo ahi uh hiam? Nalamdang ka bawl ding na hong ngen tazen uh hi. Jonah thu tawh kisai nalamdang longal a dang hong kilak lo ding hi.

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.