Luka 11:24 - Tedim Bible Revision 2017

²⁴ Tua ciangin Jesu in, “Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. A om nading mun a muh loh ciangin, ‘Hong kihawlkhiatna inn mahah lutkik ning,’ ci hi.

Tedim Bible

²⁴ “A kihhuai dawi in mi sung pan a paikhiat khit ciangin, mun keuna-ah vakin khawl nading a zong hi.

Luka 11:24 Referans Kwoze

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gam keu bangin ka pumpi bup in nang hong deih hi.

JOB (Job) 2:2

Tua ciangin Topa in Satan kiangah, “Koi lai panin hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin kong pai hi,” a ci hi.

JOB (Job) 1:7

Topa in Satan kiangah, “Koi pan a hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin ka hong pai hi,” a ci hi.

Marka 5:10

Tua gam panin mun dangah dawite a hawlkhiat loh nadingin tua mipa in a thum lailai hi.

Isaiah 48:22

Tua ahih ciangin migilote adingin nopna om lo hi, Topa in ci hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Marka 9:25

Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Isaiah 35:7

A sa mahmah sehnelte bualtui hong suak dinga, a keugaw leitang pen ciktui tawh hong kidim ding hi. Ngiateʼ omna ngei leitang pen nawngpi suakin, lopa, pumpeeng le mau, a po ding hi.

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a suk zawh mateng uh ihmu thei lo uh hi.

Luka 11:25

A hong tunkik ciangin hoihtakin kiphiat siangin a hoih linlianin a mu hi.