Luka 11:22 - Tedim Bible Revision 2017

²² Ahi zongin amah sangin a hat zaw mi khat in amah simin a zawh gawp khit ciangin, ama muan a hiam khempeuh laksakin a pawlte tawh a hawm hi.

Tedim Bible

²² Ahih hangin amah sangin a hatzaw mi hong pai a, a zawh khit ciangin, amah in a muan a hiamte sut a, a sumte la-in a hawm ding hi.

Luka 11:22 Referans Kwoze

Isaiah 53:12

Tua ahih ciangin amah pen mi liante tawh nate ka hawmsak dinga, amah in mihatte tawh nate a hawm ding hi. Bang hang hiam cih leh amah in sihna dongin a nuntakna pia khia a, khialhna a nei mite tawh a kisim khawm hi. Ahih hangin amah in mi tampiʼ mawhna pua a, khialhna a neite adingin a thumsak hi.

Isaiah 27:1

Tua ni ciangin Topa in a sak mahmah, a lian mahmah, a to mahmah namsau tawh, a tai khia gulpi ahi Awle, a kikualvial gulpi ahi Awle gim pia dinga, amah in tuipi sunga om tua gulpi a that ding hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Kolose 2:15

Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

Paikhiatna 15:9

Galte in, ‘Ka delh dinga, ka pha ding hi. A nate uh ka hawm dinga, ka deih zahzahin, tuate ka tang ding hi. Ka namsau ka dok dinga, ka khut in amaute susia ding hi,’ ci hi.

Luka 11:21

“Mi thahat khat in a hiam neih khempeuh tawh ama inn a cin ciangin a neihsa khempeuh suakta hi.

Luka 11:23

Kei hong pawlpih lo peuhmah keima lang hi uh a, tuute hong kaihkhop pih lo peuhmah tuute a thehthang gawpte ahi uh hi,” a ci hi.

Efesa 6:11

Dawimangpaʼ hong hih nading khempeuh na dalzawh nadingun Pasianʼ galvan namkim na zang un.

Efesa 6:13

Tua ahih manin hun haksat hun hong tun ciangin galteʼ hong sukna teng khempeuh nang zo-in, a tawpna ah a gualzo na hih theih nadingun Pasianʼ galvan namkim na zang un.